Podcast: Ireki leiho berrian | Jaitsi | Txertatu
Iruñerrian Gaur 2013-06-19
Murrizketen ondorioak albiste nagusi, Iruñerrian Gaur: Nafarroako Gobernuak ez ditu bete mendekotasunen bat duten herritarrei laguntzak aitortzeko epeak, Kontuen Ganberak salatu duenez. Justiziaren jardueran ere eragin zuzena du krisiak, Juan Manuel Fernandez Nafarroako Justizia Auzitegi Nagusiko presidentearen arabera: besteak beste, %26 igo dira hartzekodunen lehiaketan sartu diren enpresen kopurua urtea hasi zenetik. Foru erregimenaren inguruko polemikan, Gobernuak esan du Nafarroak legokiokeena baino gehiago ordaintzen diola Estatuari. Murrizketen kontrako protestak: administrazio publikoko sindikatuek txistor jatea Nafarroako Jauregiaren parean, pentsio publikoen aldeko manifestazioa adinduek, LAB sindikatuak agerraldia Enpleguaren Mahaia ezerezean geldituko dela salatzeko. Gakoa, gaur: Mika Etchebeherek.
Podcast: Ireki leiho berrian | Jaitsi | Txertatu
Metropoli Forala 2013-06-19
Solasaldi politikoaren tartean, Bilduko Bakartxo Ruiz, Nabai-Aralarko Xabi Lasa eta EAJ-Geroa Baiko Manu Aierdi izan ditugu. Karrisolasaren azken saioaren berri eman digu Karrikiriko kide Aitor Etxartek. Puntueus ekimenaren berri eman digu Iratxe Esnaolak
Podcast: Ireki leiho berrian | Jaitsi | Txertatu
Arratsalde.On 2013-06-18
Gaurko aldizkaritegian Argia astekariaz mintzatu gara bertako erredaktore den Mikel Asurmendirekin. Jarraian Atarrabiako Udalaren Euskeraren Plan Estrategikoaz aritu gara Mikel Oteiza zinegotziarekin. Angel Erro poeta burlatarrak “Happy birthday” kantuaz hitz egin digu eta Xabi Mendibilek azaldu digu giza diseinuaren arabera zehazten diren 9 guneen artean zein eta nolakoa den “sustraia” deitzen dena.
Bukatzeko, irratialdi honetan azken aldiz murgildu gara Kultur Arloan. Gaur Mikel Bujandak Patxi Zabaletaren hitzak ekarri dizkigu bere liburu berriaren inguruan: “Absurdoko kontuak edo zoroen kerriko kronikak”.
Podcast: Ireki leiho berrian | Jaitsi | Txertatu
Metropoli Forala 2013-06-18
Solasaldi politikoaren tartean Nafarroako Ezker Batuko kide Pablo Archel elkarrizketatu dugu. Izan ere, koalizio horrek Asanblada Orokorra ospatu zuen pasa den larunbatean eta hirugarrenez Jose Miguel Nuin hautatu dute Foru Komunitateko koordinatzaile. Elkarrizketa pertsonalaren tartean, Asier Azparren bibolin-jotzailea, Bizardunak taldeko musikaria eta billabesa gidaria izan dugu gure artean. Zientziaren atalean, solstizioaz eta ekinozioaz mintzatu zaigu Oier Lakuntza kimikaria.
Podcast: Ireki leiho berrian | Jaitsi | Txertatu
Iruñerrian Gaur 2013-06-18
Sanferminetako egitarau ofiziala aurkeztu du Udalak: 2,1 milioi euroko aurrekontua, iaz baino %14 gutxiago. Berrikuntza gutxi: bat, Erraldoiak Ezpeleta jauregitik aterako direla lau egunez. Cementos Portlandek beste erregulazio espediente bat aurkeztu du 318 langile kaleratzeko “errantagarriak ez diren” enpresetan. Parlamentuan, beste aste bat hartu dute taldeek Enpleguaren Mahaian neurriak adosteko. Nafarroako Gobernuak apirilerako onartu nahi du Emakumeenganako Indarkeriaren aurkako Lege berria. Patxi Zabaletak “Absurdoko kontua edo zoroen herriko kronikak” liburua aurkeztu du.
Podcast: Ireki leiho berrian | Jaitsi | Txertatu
Arratsalde.on 2013-06-17
TTIPI- TTAPA aldizkariaren azken alearen berri eman digu Aitor Arozenak. Burutazioaren tartean Anuskaren txanda izan da. Martin Juanena kirol zaleak, asteburuak eman dituen emaitzak bildu ditu. “Txanpon baten truke” ikuskizun musikalaz aritu gara.
Podcast: Ireki leiho berrian | Jaitsi | Txertatu
Iruñerrian Gaur 2013-06-17
Goi tentsioko linearen aurka agertu dira herri galdeketan botoa eman duten herritarren %99. AHTren aurkako protesta sinbolikoa egin du Mugituk San Nicolas plazan. Esako urtegia handitzearen aurka jendetza, herenegun, Zangozan; Ebroko Ur Konfederazioko presidete Xavier de Pedrok ez du Parlamentura azalpenak ematera joan nahi. Zangozako Merinaldeko udalek Udal Ekimen Legegilea bultzatuko dute mendialdean gutxieneko osasun zerbitzuak ziurtatzeko. Parlamentua Nafarroaren autogobernuaren alde, foraltasuna zalantzan jartzen dutenen aurrean. Gakoa, gaur: Alberto Barandiaranek.
Podcast: Ireki leiho berrian | Jaitsi | Txertatu
Metropoli Forala 2013-06-17
Osasunatik joanen diren jokalariak eta etor litezkenak mintzagai kirolaren tartean. Greziako irrati telebista publikoaren pribatizazioak sortu duen iskanbilaz solastu gara Juan Etxenikerekin. Iruñeko Orfeoiko zuzendari Igor Ijurrak Mozarten lanak ekarri dizkigu
Podcast: Ireki leiho berrian | Jaitsi | Txertatu
Iruñerrian Gaur 2013-06-14
Parlamentuak Nafarroako Kutxan gertatu den hustuketa ikertzeari ezetz, beste behin, UPNk eta PSNk. Bildu, Aralar-Nafarroa bai, Izquierda-Ezkerra eta Geroa baik eraman dute ekimena, PPNk ere babestu du. Sozialistek orain eskatu dutena Kontuen Ganberak fiskaliza dezala Gobernuak CANen zuen kontrol eta ikuskatze funtzioa. Igandeko uholdeen kalteak urrirako konponduko dituztela esan du Luis Zarraluki Sustapen kontseilariak. Iruñeko Bilduk Udalaren kudeaketa kritikatu, eta Ignacio Polo zinegotziari erantzukizun politikoak eskatuko dizkio. Iosune Arriaga presoa berriz ere Iruñera ekar dezatela eskatu du Herrirak. Bart arratsean Arabako Zaballako espetzera eraman dute, familiak baieztatu duenez. Lan arloan, GAN enpresa publikoko langileen eta Altsasuko Lazaro Etxeberri enpresakoen protestak. Gakoa, gaur: Koldo Martinezek.
Podcast: Ireki leiho berrian | Jaitsi | Txertatu
