Nafarroako lera bat, 2014ko Errusiako Neguko Olinpiar Jokoetan?
Calgaryko (Kanada) 1988ko Neguko Olinpiar Jokoetan, Jamaikak bobsleihgt probetan parte hartu zuen lehendabizikoz. Talde karibetarraren izotz gaineko balentriak mundu osoan oihartzun zabala izan zuen, eta pelikula ere egin zuten. Historia -edo istorioa- errepika daiteke, baina protagonista nafarrekin. Izan ere, Iruñean, Goitikbehera Kirol Taldea sortu berri dute, 2014ko Errusiako Neguko Olinpiar Jokoetan parte hartzeko xedearekin!
Goitikbehera Kirol Taldeko kideak orain arte goitibehera lehiaketetan aritu izan dira. Austrian bobsleight ikastaroa egin berri dute. Eta Estellerrian, Riezu inguruan, bobsleight pista eraiki nahi dute. Horretaz mintzatu gara talde sorberriko Fermin Paularena eta Orein Mondragonekin. Gure argazki-muntaia errealitate bilaka daiteke. Ez da broma: oso serio ari dira.
