Josetxo Azkona
Euskararen barneko morfologiaren hezur-mamia zerez egina den jakin nahi duen nornahi, hizkuntzaren barnea zer-nolakoek osatzen duten ezagutzeagatik, lagun hori, diot, hiztun zaharra zein berria izan, eta berdin dio bera aditua edo zale hutsa ote den, harriduraren harriduraz geratuko da beti ergatibo kasuarekin topo eginda.
Izaro Arroita
Gauak esna eta egunak lo pasatzen dituen gautxori edo saguzarra ohituta dago bakarrik edo, alderantziz ibiltzera. Ilundu ostean, lanera joateko jaikitzean, lo goxoan murgilduta egoten dira etxeko gainerakoak, eta isil-isilik ibili behar izaten du inor ez esnatzeko: dutxatu, jantzi, mokadutxoa jan…
Heldu da Nafarroako Bertsolari Txapelketako final handia. Larunbatean, 17:30etan, Lesakako pilotalekuan jokatuko da. Bertso hitzorduak ikusmin handia sortu du. Salgai jarritako mila eta ehun sarrerak agortu egin dira. Finalean partehartuko duen zortzikotea: Eneko Lazkoz, Oskar Estanga, Xabier Legarreta, Julen Zelaieta, Xabier Terreros, Julio Soto, Arkaoitz Goikoetxea eta Estitxu Arozena. Azken hiruoekin mintzatu gara Pasahitza saoian, baita Bertsozale Elkarteko Lorea Arburuarekin ere.
Aingeru Epaltza
Erruki dut Jean-Serge Nérin polizia frantsesa. Erruki dut haren alarguna. Haren lau-seme alabak. Ez dakit nolakoa zen Nérin delakoa. Hartaz, ez zuela hala hiltzea merezi baizik ez dakit. Eta erruki dut, orobat, Joseba Fernández Aspurz iruinxemea. Erruki haren familia, haren lagunak. Ez dakit nola sentitzen ahal zaren zure semeak, zure adiskideak, heriotza ergel bat ekarri duen ekintzan parte hartu duela jakin ondoan.
Espainiar identitatearen defentsa sutsua da CDNk foru Parlamentuan zezenketen -eta sokatiraren- inguruan aurrera atera duen adierazpen ofiziala. Hala esan du gurean Santi Leonek, Nafarroako arragoko mazedonia identitarioaz gogoeta mamitsuak eginak dituen historialariak. Haatik, euskal nortasunaren aldeko alderdiek, NaBaik zein Batasunak, ez dute zezenketak kultur ondare inmaterial izendatzearen inguruan prentsa oharrik plazaratu. “Zail dute, aski ongi baitakite euskaldunen artean ere zezenzale asko dagoela”, azaldu du Leonek. Historialari iruindarraren aburuz, Nafarroan espainiar nortasuna gero eta ozenago goresten ari da. Martxa honetan, CDNk -edo UPNk, edo PSNk, edo PPk, batek daki- aurki diseinu berria proposatuko du Nafarroako banderarentzat, hain justu lerroon alboan jarri duguna.
Euskalerria Irratiaren aldeko eta Nafarroako Gobernuaren aurkako mozioa onartu zuen atzo Espainiako Diputatuen Kongresuak, gehiengo oso zabal batez: 184 diputatu alde eta 4 kontra. Alde bozkatu zutenak, PSOE, EAJ eta ERC-IU-ICV. Kontra, bi alderdi txiki, besterik ez, UPN eta UPyD. PP eta CiU abstenitu egin ziren. Hor azpian, Mikel Bujandaren balorazioa eta mozioaren aurkezleari, NaBaiko diputatu Uxue Barkosi, egindako elkarrizketa.
Fermin Erbiti
Negua hain luze eta hotza izan denez, inoiz baino txano madrildar gehiago ikusi ditut Iruñeko karriketan. Badakit, bai, bakoitzak burua estaltzerakoan bere gustuko txapel, kapela edo txanoa aukeratzeko eskubide osoa duela. Baina azken telegrametako batean besteen herrak eta aurreiritziak astindu zituen sermoilari honek ere baditu bereak. Eta pekatu horiek noizbait aitortzekotan, garizumako amaieran egin behar delakoan hortxe lehenbizikoa: gorroto dut txano madrildarra.
Nafarroa Bairen barne eztabaidez mintzatu gara gaur Pasahitza saioan bi kazetarirekin, Diario de Noticiaseko Ibai Fernandezekin eta Berriako Joxerra Senarrekin hain zuzen ere. Haien idurikoz, azken asteotako liskar publikoen ondotik koalizioko kideentzat zaila izanen da haien arteko konfiantza berreskuratzea. Nolanahi ere, bion aburuz, hautesleek gogor zigortuko lukete NaBairen haustura eta hori dela-eta azkenean, ederki kostata izanagatik ere, aurrera aterako dutela uste dute.
Josi Basterretxea
Ikurriñak ikusi ditut argazkietan, saldo bat. Jon Anzaren heriotzaren inguruko esamesak ekarri dizkidate belarrietara. Izugarria da gizon horrekin gertatu dena. Oraingoz, gertatu omen dena baizik ez dakigu; eta, halere, izugarria da. Izugarria da anonimatorik handienean hiltzea pertsona bat.
CDN, zezenketen alde eta testu liburuen aurka
CDNk proposaturik, zezen festen aldeko testua onartu zuen atzo Nafarroako Parlamentuak. “Kultur ondare inmaterialtzat” hartu dituztenen artean, zezenketak, entzierroak eta “sokatira”. Bistan denez, sokamuturrarekin nahastu dute. Hanka sartzeaz haratago, ikusgarria CDN azken aldian foru Parlamentuan egiten ari den lana. Esperanza Aguirreren arrastoari jarraituz zezenketen alde egiteaz gain, “Nafarroaren nortasuna” errespetatzen ez duten testu liburuak erretiratzeko proposamena egin du, gobernu erregionalistak liburuok diru laguntzarik gabe uztea aski ez delakoan. Irudi luke 2011ko foru hauteskundeetara begira UPN eskuinetik aurreratu nahi duela Juan Cruz Alliren alderdiak. Martxa honetan, Iruñeko armarria hor ondoan jarri duguna izatea proposatuko dute. Eta Nafarroako ereserkia moduan, beste hau.
Iruñeko Orfeoiko zuzendari Igor Ijurra beste behin ere bisitan eduki dugu Irrintzi dorrean. Honako honetan Parisera begira jarri gaitu, Frantziako hiriburuan bizi izandako hiru musikari euskal herritarren musika lagun: Nicanor Zabaleta, Juan Crisostomo Arriaga eta Felipe Gorriti. Ikaragarria, Ijurrak musikaz hitz egiterakoan darabilen pasioa. Plazerra, pasio horrekin hitz egiten entzutea. Pena, gurera pajaritarik gabe etortzea -Elhuyarren arabera, tximeleta-.
Irudia: corosdenavarra.org
Aitor Etxarte
Dena merkantzia bihurtzeko gaitasuna du deabruak. Chavezek dion bezala deabruari bere izenez deitu behar diogu: kapitalismoa.
Natura ere merkantzia da. Naturara joatea ere. Ez da ez oso jarduera inozentea. Merkantziekin jokaera errugabeak ezinezkoak direlako. Azken belaunaldietan fenomeno aztergarria gertatzen ari da. Astebururo familia edo dena-delako osoak kotxeak hartu eta auskalo-nongo-herrian duten etxera joaten dira. Han dutelako sorterria edo sorterriratu direlako. Giza talde pribilegiatua da hori. Nekez aurkitzen da Europako beste lurraldeetan antzeko egoera hemen duen dentsitatean.
Euskaraz bizitzeko aukerak, AEK-ko Irrintzi euskaltegiaren eskutik:
● Martxoaren 16an, asteartearekin, TXIRIBI PAILAZOA. 17:00etan Sanduzelai ikastetxean.
● Martxoaren 17an, asteazkenarekin, MAHAI-INGURUA: NAFARROA 1512-2012. Roldan Jimeno, Bixente Serrano Izko eta Floren Aoizen parte-hartzearekin. Argia astekariarekin lankidetzan, 20:00etan Zaldiko Maldikon. read more…
Gaur amaitzen zen Aralarrek Nafarroa Bairen etorkizuna argitzeko finkaturiko epea. Gaur eguerdian prentsa oharra zabaldu du Aralarrek, baina agiri horretan ez du zehaztu zer eginen duen. “Aralarrek ahal duen guztia eginen du ezkerreko aukera arrerakoi eta abertzaleak Nafarroako eskuinaren alternatiba izatek lehiatzerik eduki dezan”, horixe da agiriak etorkizunera begira egiten duen iragarpen lausoa.
Nafarroa jokoan
Aste honetan oso nekaturik gaude. Lo gutxi egin dugu, gauero oso berandura arte geratu baikara Goñi Tabernan, Txikiteroak asmaturiko mahai joko berriarekin kateaturik: Nafarroabay. Azpititulua: Monopolyetikoa. Gure haurtzaroko Juegos Reunidos Geyper haien antzeko zerbait da, hainbat mahai joko klasiko uztartzen baititu: Monopoly, Pictionary, Twister... Bost jokalarik parte har dezakete, lau alderdi eta independentea. Eta lau fase ditu. read more…
Lizentzia banaketa ahalik eta lasterren egitea nahi du irrati euskaldunak
Epaileen ebazpena ahalik eta lasterren bete dadila nahi du Euskalerria Irratiak. Irrati lizentzien banaketa lehenbailehen amai dadin, arauturiko prozedimendua zorroztasun osoz betez, epeak luzatzeko maniobrarik gabe, irregulartasunik gabe, arbitrariotasunik gabe, justiziaz. Ez du gehiago eskatzen, ezta gutxiago ere. Hala azalduko du gaur, Administrazioekiko Harremanetarako eta Gobernuaren Eledunaren Batzordearen aitzinean, arratsaldeko 13:00etatik aurrera.
Angel Erro
Ezer baino lehen, barkamena eskatu nahi dut, aurreko egunean Gorka Bereziartuak ez bezala, aipatuko dudan musikak seguruenik ez duelako balio mundua konkistatzeko. Eta barkamena goiko izenburuagatik ere bai, baina ez dut modu hoberik aurkitu, orain urtebete, Bilboko Musika-Música ziklora joan nintzeneko nire plan kulturalaren berri emateko: Barroko berantiarreko musika erlijiosoa, alde batetik, eta zabor janaria.
Euskalerria Irratia Nafarroako Parlamentura joanen da gaur. NaBaiko parlamentari Nekane Perezek eskaturik, gure egoeraz mintzatuko gara Erakundeekiko Harremanetarako eta Gobernuaren Eledunaren Batzordean. Kazetaririk gabeko lan saioa13:00ean izanen da. Gure ordezkariak, Mikel Bujanda irratiko zuzendaria, Sarah Ripodas kudeatzailea, Iruñeko Komunikabideak SAko Sagrario Aleman eta Euskalerria Irratia Elkarteko Mikel Haranburu. Inguraturik dauzkagu. Gurea da garaipena, hau da, lizentzia. Goizak aurrera egin ahal informazio gehiago zabalduko dugu.
Josetxo Azkona
Asmatzen zaila da zer gertatuko den NaBai koalizioarekin. Izan ere, direla proiektua zalantzan jartzen dituzten buruzagi gorenen adierazpen ezkorrak, direla buruzagion hitz anbiguoak bezain kriptikoak, direla koaliziotik kanpo ezkutuan suertatzen ari bide diren bestelako negoziazioak, zio horiengatik guztiengatik, eta batek daki zer arrazoi gehiago tarteko, errateko tenorean gaude koalizioa gertu dagoela desagertzetik. Horrela, nafar gizartearen puska on bat bereganatu zuen koalizio honen aktibo politikoa zakarrontzira bota nahi dute bakan batzuek, antza.
Loiolako hegiak liburu bikaina da. Ez diogu guk, baizik eta Zaldieroak eta Alberto Barandiaranek. Biok argitaratu aurretik irakurri ahal izan dute. Biok uste dute euskal kazetaritzan gutxitan egiten direla halako lanak, gertakari garrantzitsuen erroetara jotzen dutenak, dokumentazio ugariz, idazkera argiz. Gaurko solasaldi grafikoan Imanol Murua Uriaren liburuaz mintzatu gara, baita Erripagainako hiri-basamortuaz eta Iruñeko harresi distiratsuegiez ere. Solasaldiaren grabazioarekin batera, Murua bera haren liburuaren edizioa azaltzen, Berria telebistako lagunek egindako bideoan.
